15 იანვარს, ილიას სახელმწიფო უნივერსიტეტში, თვითმმართველობის არჩევნები ჩატარდა. საარჩევნო პროცესს ცესკო ხელმძღვანელობდა.
საარჩევნო პროცესის მიმდანარეობისას, ერთ-ერთ უბანზე სტუდენტებს შორის იყო მცირედი დაპირისპირება. სტუდენტებმა საარჩევნო უბანზე გააკრეს პლაკატები და საბჭოთა სიმბოლიკის ნიშანი. დღის განმავლობაში, მსგავსი ფაქტი აღარ განმეორებულა და საარჩევნო პროცესი მშვიდ გარემოში მიმდინარეობდა.
საარჩევნო უბნები 10:00 საათზე გაიხსნა და 18:00 საათზე დაიხურა ყველა საარჩევნო უბანი.
ხმების დათვლის შედეგად, არჩევნების გამარჯვებული გახდა სტუდენტური გაერთიანება ,,ანტიპოდები”.
გთავაზობთ, ილიაუნის სტუდენტური თვითმმართველობის, პლენუმის თავმჯდომარის, გიგა გორჯელაძის პირველ კომენტარს:
,,ეს იყო საკმაოდ დაძაბული და საინტერესო პროცესი, რომელიც მშვიდ გარემოში მიმდინარეობდა.
იყო რიგი პირების მცდელობა მომხდარიყო ესკალაცია, თუმცა ჩვენმა გუნდმა ეს გამოცდაც ღირსეულად ჩააბარა.
ვულოცავ არჩევნებში გამარჯვებულ დელეგატებს და ვუსურვებ სტუდენტების მიერ მინიჭებული მანდატი გამოიყენონ კეთილსინდისიერად და იმოქმედონ საკუთარი სინდისის კარნახით“, – განაცხადა გიგა გორჯელაძემ.
ავტორი
მარიამ ხაჩირაშვილი
