გორის მუნიციპალიტეტში, სოფელ კირბალში, საოკუპაციო ხაზთან ახლოს რუსი სამხედროების მიერ მოკლული საქართველოს მოქალაქის, თამაზ გინტურის ძმა, ნიკოლოზ გინტური ჟურნალისტებთან ემოციურ კომენტარს აკეთებს ექსპერტიზის შედეგების მოლოდინთან და მკვლელობის საქმის გამოძიების მიმდინარეობასთან დაკავშირებით:
,,2 თვეზე მეტია გასული, საქმის მასალები ჯერ არ ვიცით. არ ვიცით, რა ეტაპზეა საქმე. პროკურატურაში ხვალ მეცოდინება, საქმე სადამდეა მიყვანილი. ჯერჯერობით, არ ვიცი.
საქმეს რომ გავეცნობი, გეტყვით ყველაფერს სადამდეა. თუ არა, უნდა მივმართო სტრასბურგის სასამართლოს, აქ ჩემი საშველი არ არის. ჩემ ძმას ყურადღების მიქცევა უნდა. მე დავრჩი და მე რომ არ მივხედო ჩემ ძმას, არ გამოვა…
ჩამიცხრილეს ძმა… 35 ტყვია მოარტყეს მანქანას და მოკლეს. მოკვლა სხვა არის და ჩაცხრილვა სხვა! მანქანას რომ 35 ტყვიას მოარტყამ, ის სიკვდილია თუ ჩაცხრილვა?!“, – განაცხადა ნიკოლოზ გინტურმა.
ავტორი
ნინი ხიჯაკაძე
