ინფექციონისტი, ივანე ჩხაიძე პრესკონფერენციაზე განცხადებას აკეთებს ქვეყანაში ვირუსული ინფექციის გავრცელებასთან დაკავშირებით. ასევე, განმარტავს, თუ რა ფაქტორები მიუთითებს გრიპის ვირუსის არსებობაზე:
,,ქვეყანაში გრიპის ვირუსის სტატისტიკა აღმავალ მრუდზეა. თუ გადავხედავთ იმ ციფრებს, რასაც გვაძლევს დაავადებათა კონტროლის ეროვნული ცენტრი, კალენდარული წლის 2023 წლის 49-ე და 51-ე კვირის მონაცემებს თუ შევადარებთ, პრაქტიკულად, გაორმაგებულია ლაბორატორიულად დადასტურებული გრიპის შემთხვევების რაოდენობა. თუ 49-ე კვირას ეს ციფრი იყო 16%, 2 კვირის შემდეგ ეს მაჩვენებელი უკვე 27% გახდა.
ნებისმიერი ადამიანი, რომელსაც აქვს ტემპერატურა 38°C და უფრო მეტი, ძლიერი თავის ტკივილი, კუნთების, სახსრების ტკივილი, საერთო სისუსტე; ბავშვებში ამას ემატება საკვებზე უარის თქმა, უფრო მომატებული ძილიანობა ან ჭირვეულობა. ეს ყველაფერი მიუთითებს სწორედ გრიპის ვირუსის არსებობაზე. ამიტომ განსაკუთრებით მცირე ასაკის ბავშვებში ეს შემთხვევა უნდა იყოს არა მხოლოდ ოჯახის წევრების, არამედ ექიმის მიერაც მართული“, – განაცხადა ივანე ჩხაიძემ.
ავტორი
ნინი ხიჯაკაძე
