ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია ერთ-ერთი შეხვედრის დროს ისაუბრა რუსეთის პოლიტიკაზე საქართველოსთან მიმართებაში:
,,ვიღაცას თუ სჯერა, რომ რუსეთი მოვა, ისეთი კეთილია, რომ რაღაცას გვაჩუქებს.., მარტივ მაგალითს გეტყვით, ჩვენ მთავრობას ბოლო 1 თუ 2 წლის განმავლობაში ისე, რომ არაფერი არ უთქვამს, წინაპრების საფლავების მოსანახულებლად ოსეთიდან, ვლადიკავკაზიდან, თრუსოს ხეობაში შემოუყვანია რაღაც ოჯახები, რომლებმაც მოინახულეს იქ, ადრე რომ ცხოვრობდნენ, იმ ოსების სასაფლაოები.
მარტივი კითხვა ისმევა – შე ოჯახაშენებულო, თუ პატრიოტი ხარ, ამდენი ქართველი რომ არის, რომელიც ვერ გადის საფლავზე, რომ თავისი შვილი და მშობელი დაიტიროს, არ შეგიძლია ითხოვო, რომ გადაუშვან მაინც იქით, სამაჩაბლოში, ან იქით?! რატო არ აკეთებ ამას კაცო, თუ შენ მიდიხარ დათმობაზე, ჰუმანიტარული მიზნებით შემოუშვი?!
ეს უზარმაზარი რისკია. იმიტომ, რომ სამაჩაბლოში აღმოაჩინეს რაღაც ვითომ ტყუილი რუქები და პირდაპირ პრეტენზიას აცხადებენ რაღაც წარმოუდგენელ ტერიტორიებზე, მათ შორის, თრუსოზეც. ეს ხალხი ისე შემოუშვეს – ჩუმად თან, კაციშვილმა რომ არ იცის. აგერ, დეპუტატებს კითხვა რომ დავასმევინეთ, გაისუსნენ, სანამ ოსებმა არ დადეს პირდაპირ ვიდეოები როგორ იყვნენ შემოსულები და სადღეგრძელოებს როგორ ამბობდნენ თავისი წინაპრების საფლავებზე…
გავიგე, შეიძლება ჰუმანისტები უნდა ვიყოთ და შემოვუშვათ, მაგრამ ჩვენც შეგვიშვან, კაცო. თუ რა, ქართველების საფლავები არ არის სამაჩაბლოში? ეს არის – არ შეიძლება ამ ხალხთან ცალმხრივ დათმობებზე წასვლა. ცალმხრივი დათმობები არის სისუსტის მანიშნებელი ან უბრალოდ ისინი ფიქრობენ, რომ ამათ იმდენი დანაშაული აქვთ ჩადენილი, ვსიო, მორჩენილია უკვე, მოგაწვებიან წიხლს…
დღეს, საქართველოს ყველაზე დიდი რისკი, თუნდაც რუსეთთან მიმართებაში, არის კორუმპირებული მთავრობა იმიტომ, რომ რუსებმა იციან აქ, ვინ, რაში და როგორ აკეთებს ფულს და რა თქმა უნდა, გამოიყენებენ ამას, რად უნდათ, რა ჯანდაბად უნდათ ომი?! მორჩენილია, რა…“, – განაცხადა გიორგი გახარიამ.
ავტორი
ნინი ხიჯაკაძე
