“ეს არის ის შეუქცევადი პროცესი, რომელმაც უნდა მიგვიყვანოს ევროკავშირის წევრობამდე” – მაკა ბოჭორიშვილი

პარლამენტის ევროპასთან ინტეგრაციის კომიტეტის თავმჯდომარე, მაკა ბოჭორიშვილი ჟურნალისტებთან კომენტარს აკეთებს ევროკავშირში გაწევრიანების პერსპექტივებთან დაკავშირებით, თუ როგორი უნდა იყოს სამოქმედო გეგმა კანდიდატის სტატუსიდან სრულფასოვან წევრობამდე:

,,ევროკავშირში გაწევრიანების სტატუსის მოპოვებით, ნამდვილად დაიწყო საქართველოსთვის ახალი ეტაპი ევროკავშირთან ურთიერთობებში. ეს არის ის შეუქცევადი პროცესი, რომელმაც უნდა მიგვიყვანოს უკვე წევრობამდე.

ეს რა თქმა უნდა, საკმაოდ ხანგრძლივი და მრავალი ეტაპისგან შემდგარი პროცესია. საჭირო იქნება თავად ევროკავშირის მხრიდანაც მომზადება იმისათვის, რომ ჩვენ დავიწყოთ მოლაპარაკებები ევროკავშირთან.

ვიცით, რომ გვაქვს 9 ნაბიჯი, ასე ვთქვათ – განსაზღვრული ევროკომისიის მხრიდან, რომლის შესასრულებლადაც დამტკიცებულია სამოქმედო გეგმა. მოველი რომ მალე იქნება ეს გეგმა საჯარო და შესაძლებლობა გვექნება, ყველამ ვიხილოთ. არა მხოლოდ ვიხილოთ, დავიწყოთ ამ გეგმის მიხედვით მუშაობა უკვე მომავალი წლიდან“, – განაცხადა მაკა ბოჭორიშვილმა.

ავტორი
ნინი ხიჯაკაძე