“როდესაც უკრაინას და მოლდოვას მიანიჭეს კანდიდატის სტატუსი და საქართველოს არ მიანიჭეს – ეს იყო უსამართლო გადაწყვეტილება!” – ირაკლი ქადაგიშვილი

პარლამენტის საპროცედურო საკითხთა და წესების კომიტეტის თავმჯდომარე, ირაკლი ქადაგიშვილი ჟურნალისტებთან მწვავე პოლიტიკურ შეფასებას აკეთებს, თუ რა გახდა იმის მიზეზი, რის გამოც პირველ ეტაპზე საქართველომ ევროკავშირის კანდიდატი ქვეყნის სტატუსი ვერ მიიღო იმ ფონზე, როცა დადებითი გადაწყვეტილება იქნა მიღებული უკრაინასა და მოლდოვასთან დაკავშირებით:

,,როდესაც უკრაინას და მოლდოვას მიანიჭეს კანდიდატის სტატუსი და საქართველოს არ მიანიჭეს – ეს იყო უსამართლო გადაწყვეტილება! არანაირ ობიექტურ საზომზე არ იყო ეს გადაწყვეტილება დამოკიდებული.

რაიმე ობიექტური პარამეტრი თუ ვინმეს აქვს, რითი არის ან უკრაინა, ან მოლდოვა საქართველოზე წინ, ამასაც, რა თქმა უნდა, არც ევროკავშირიდან და არც არსაიდან ობიექტურ საზომს ვერავინ გვეუბნება.

აქედან გამომდინარე არის, რომ, რა თქმა უნდა, გარკვეული პოლიტიკური ინტრიგა ამ საკითხში იყო ხოლმე’’, – განაცხადა ირაკლი ქადაგიშვილმა.

ავტორი
მარიამ ხაჩირაშვილი