“ის, რაც გახარიას პარტიამ მიშას წინააღმდეგ იკადრა, იმეორებს იმასაც, რასაც წერდნენ 70-იან წლებში საქართველოს დისიდენტური მოძრაობის და პოლიტპატიმრების წინააღმდეგ” – ბეჟან ჯავახია

საქართველოს რესპუბლიკის პირველი მოწვევის უზენაესი საბჭოს წევრი, ისტორიის მეცნიერებათა დოქტორი, ილიას სახელმწიფო უნივერსიტეტის ასოცირებული პროფესორი, ბეჟან ჯავახია სოციალურ ქსელში მწვანე შეფასებას აკეთებს პარტია ,,საქართველოსთვის” წევრების განცხადებაზე საქართველოს მე-3 პრეზიდენტის, მიხეილ სააკაშვილის კლინიკა ,,ვივამედიდან” პენიტენციურ დაწესებულებაში გადაყვანის მოთხოვნასთან დაკავშირებით:

,,ის, რაც გახარიას პარტიამ მიშას წინააღმდეგ იკადრა, იმეორებს იმასაც, რასაც წერდნენ 70-იან წლებში საქართველოს დისიდენტური მოძრაობის და პოლიტპატიმრების წინააღმდეგ. ერთერთი, თუნდაც ზვიადისა და მერაბის წინააღმდეგ დაწერილი “სარეველა”.

ფაქტია და თვითონ გახარიას პარტია აღიარებს, რომ არსებული ხელისუფლება არის რუსული რეჟიმი და ამ რეჟიმის ტყვის წინააღმდეგ გამოსვლა, სწორედაც ბოლშევიკური სისხლიანი რეჟიმის პოლემიკის გაგრძელებაა…“, – განაცხადა ბეჟან ჯავახიამ

ინფორმაციისთვის: ყოფილი პრემიერ-მინისტრის, გიორგი გახარიას პარტიის ,,საქართველოსთვის” წარმომადგენლებმა ჟურნალისტებთან გაკეთებულ კომენტარებში აღნიშნეს, რომ მიხეილ სააკაშვილის პოლიტიკურად აქტიურობს, შესაბამისად მისი ჯანმრთელობის მდგომარეობა სტაბილურია და მიზანშეწონილად მიაჩნიათ მე-3 პრეზიდენტი კლინიკიდან რუსთავის პენიტენციურ დაწესებულებაში დააბრუნონ.

ავტორი
ნინი ხიჯაკაძე