“გაცხარებით თავისი პიარისთვის ბრძოლაში, სალომეს უკვე მიუღწევია კარგი შედეგისთვის” – დოდონა კიზირია

პროფესორი დოდონა კიზირია პრეზიდენტ სალომე ზურაბიშვილის პოლიტიკურ პროცესებში აქტიურობას ეხმაურება:

“დიდიხანია არაფერი დამიწერია. ნერვები არ მყოფნის. მთავარის გადაცემას როცა ვუყურებ, სიმწრისგან ლამის გული გამისკდეს. მაგრამ გულიანად ვიცინე – სალომე-კაროჟნამ ბრძანა, მომავალ წელს მთავრობა ახალ პრეზიდენტს დანიშნავს და მე უკანასკნელი პრეზიდენტი ვიქნები, ვინც ხალხმა აირჩიაო. უფასო ხახვი და კარტოფილი რომ დაურიგეს დამშეულ-დაბეჩავებულ ხალხს მოშე ცვანციგ-კლუგჰაფტის რჩევით, ეტყობა, დაავიწყდა.

უნდა ითქვას, რომ გაცხარებით თავისი პიარისთვის ბრძოლაში, სალომეს უკვე მიუღწევია კარგი შედეგისთვის. ყველას დაუბნელა თვალები თავისი „გამბედაობით“. ეხლა უკვე აღარაფერი ენაღვლება. დარწმუნებული ვარ, ამ დედაკაცს ფეხებზე კიდია, მიიღებენ ქვეყანას ნატოში გაწევრიანების კანდიდატად თუ არა. მალე მისი პრეზიდენტობის ვადა დასრულდება და როგორც საზღვარგარეთ, ასევე საქართველოში ხალხისთვის თვდადებული მოღვაწის სახელს მოიხვეჭს.

არა და კარგი იქნებოდა ვინმე ოპოზიციონერმა პატივით ხელისჩამორთმევის მაგივრად ჰკითხოს, ღირსია ნატოს წევრი გახდეს ქვეყანა, რომელსაც პოლიტიკური პატიმრები ჰყავს?

მაინტერესებს თუ ახსოვს ან სალომეს, ან მის დღევანდელ თაყვანისმცემლებს მისი შემდეგი გამონათქვამები:

1. მილოცვა ჯაბა იოსელიანს და კიტოვანს “დიქტატორი” გამსახურდიას დამხობისათვის;
2. 2008 წელს ომი საქართველომ დაიწყო;
3. ყველაზე პატივსაცემი დიპლომატი (დაახლოებით ასე) ლავროვია (რომელმაც ბრძანა, რომ კავკასიაში ქართველები არ უნდა ცხოვრობდნენ)
4. არა, არასოდეს! (ეს, ალბათ, გეხსომებათ რასთან დაკავშირებით)
კიდევ ბევრი სხვა, მაგრამ ყველას ვერ ჩამოვთვლი.

მე, სამწუხაროდ არ მავიწყდება.

ჰოდა ისა, საინტერესოა, ეხლა რის დარიგებას ურჩევს დამშეულ ხალხს მოშე ცვანციგი ამჯერად არჩევნებში გასამარჯვებლად, ან ახალი პრეზიდენტის დასანიშნად“, – წერს ფეისბუქის პირად გვერდზე დოდონა კიზირია.