“ვინაიდან 5% ბარიერს გარანტირებულად მხოლოდ “ნაციონალური მოძრაობა” გადალახავს, პოლიტიკურად აქტიური ცნობადი სახეები ოპოზიციის დანარჩენ, გადამლახავ პარტიებთან ერთად შეკრავენ უმრავლესობას და კოალიციურ ხელისუფლებას მივიღებთ” – რომან გოცირიძე

საპარლამენტო პოლიტიკური ჯგუფის ,,ევროოპტიმისტების” წევრი, რომან გოცირიძე ჟურნალისტებთან კომენტარს აკეთებს, თუ როგორი სტრატეგია უნდა შეიმუშაოს ოპოზიციურმა სპექტრმა 2024 წლის საპარლამენტო არჩევნებისთვის, რათა ხელისუფლებაში კოალიციური მთავრობა ჩამოყალიბდეს:

,,ვინაიდან გახარიას პარტია და ,,ნაციონალური მოძრაობა” – როგორც ბლოკი, უკვე აპირებენ ცალ-ცალკე გასვლას და მათ აქვთ პრეტენზია 5% ბარიერის გადალახვისა, გარანტირებულად მხოლოდ ,,ნაციონალური მოძრაობა” გადალახავს.

დანარჩენი – ყველა, ვინც ვართ აქ, პარლამენტში საპარლამენტო პარტიები და პოლიტიკური ჯგუფები, ასევე არასაპარლამენტო პარტიები, პოლიტიკურად აქტიური ცნობადი სახეები, ასევე პოლიტიკურად აქტიური ის არასამთავრობო ორგანიზაციები, რომლებმაც ამ წლების განმავლობაში დიდი გამოცდილება მიიღეს, მათ შორის, ქუჩის აქციების ორგანიზებაში, დიდი ბლოკი უნდა შექმნან, რომელიც, ფაქტობრივად, შემდეგ ოპოზიციის დანარჩენ, სხვა გადამლახავ პარტიებთან ერთად შეკრავენ უმრავლესობას და კოალიციურ ხელისუფლებას მივიღებთ“, – განაცხადა რომან გოცირიძემ.

ავტორი
ნინი ხიჯაკაძე