“დღეს, ოპოზიციონერებს, საქართველოს ევროპელ, დასავლელ მეგობრებს უწევთ ჩვენი ქვეყნის ეროვნული ინტერესების დაცვა, ნაცვლად ხელისუფლებისა” – თინა ბოკუჩავა

ევროპარლამენტმა, გორის მუნიციპალიტეტში, სოფელ კირბალში, რუსი სამხედროების მიერ საქართველოს მოქალაქის, თამაზ გინტურის მკვლელობის ფაქტზე რეზოლუცია მიიღო. თემასთან დაკავშირებით, მმართველი პარტიის პოლიტიკურ ქმედებებზე მწვავე შეფასება გააკეთა პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას“ თავმჯდომარემ, თინა ბოკუჩავამ:

,,ისე, როგორც ყველა შემთხვევაში, სადაც ჩვენ ვითხოვთ რეაგირებას რუსეთის აგრესიულ ქმედებებზე, ,,რუსული ოცნება’’ ირჩევს დუმილს – იქნება ეს ქვეყნის შიგნით თუ გარეთ, იქნება ეს NATO-სა და ევროპის საპარლამენტო ანსამბლეა თუ ამ შემთხვევაში, ევროპარლამენტი, სადაც სწორედ ამ თემაზე დებატი მიმდინარეობს.

ჩვენ ვხედავთ, რომ რეალურად, დღეს, ოპოზიციონერებს, საქართველოს ევროპელ და ზოგადად, დასავლელ მეგობრებს უწევთ ქვეყნის ეროვნული ინტერესების დაცვა, ნაცვლად ხელისუფლებისა, რომელიც ღიად თანამშრომლობს რუსეთთან“, – განაცხადა თინათინ ბოკუჩავამ.

ავტორი
ნინი ხიჯაკაძე