საქართველოს გარემოს დაცვისა და სოფლის მეურნეობის სამინისტროსთან რაჭის ტყეების დასაცავად პროტესტი გრძელდება. მიმდინარე მოვლენებთან დაკავშირებით ჟურნალისტებთან კომენტარი გააკეთა რიონის ხეობის მცველმა, ვარლამ გოლეთიანმა:
,,პრაქტიკულად ორი დღეა, მთელი ეს შაბათ-კვირა, ცემა-ტყეპა მიდის აქ ქალების – არ ინდობენ არავის. ესე სადისტური მოქცევა, ჩვენ პირველად ვნახეთ საერთოდ, რომ პოლიცია ასე იქცევა.
ახლა უბრალოდ, რა არგუმენტი ექნებათ, დღეს მაინც, ყველას შეუძლია ისედაც ამ კარიდან საშვით შესვლა.
ახლა, ჩვენ, როგორც მოქალაქეებს, ამ შემთხვევაშიც აგვეკრძალება ტერიტორიაზე შესვლა, თუ როგორ იქნება, მინდა, რომ გავარკვიოთ. ახლა ვაპირებთ, რომ მივიდეთ და ვიკითხოთ.
აქამდე ვხედავთ, რომ პოლიციის ძალით, უბრალოდ, ჩაყენებული ჰყავდათ და ვხედავდით, როგორც განვითარდა მოვლენები.
დანარჩენი ვითხოვთ, რომ გამოგვეხმაუროს, მინისტრმა როგორღაც გააკეთოს განცხადება. იმიტომ, რომ ვხედავთ, პირდაპირ რეპრესიებს აწარმოებენ პოლიციის მეშვეობით“, – განაცხადა ვარლამ გოლეთიანმა.
ავტორი
ნინი ხიჯაკაძე
