“არავის ეგონა, თუ ეს ქალბატონი ასეთი უღირსობის მაგალითებსა და “მარგალიტებს” შესთავაზებდა ხალხს” – ლევან ნიკოლეიშვილი

პოლიტიკის მეცნიერების დოქტორი, ანალიტიკოსი ლევან ნიკოლეიშვილი მწვავე შეფასებას აკეთებს ფრანგულ მედიისთვის საქართველოს პრეზიდენტის, სალომე ზურაბიშვილის მიერ მიცემულ ინტერვიუზე, სადაც მან ბიძინა ივანიშვილი ოლიგარქად მოიხსენია

“ხალხი ალბათ დაიღალა სალომე ზურაბიშვილის სისულელეებისა და ტუტუცობების მოსმენით, მაგრამ მეორე მხრივ როგორ ან რატომ უნდა გაუტაროთ მართლა არ მესმის. ყოველ ჯერზე ახალ მავნებლობას გვთავაზობს, რაც მთავარია, თავი პოლიტიკოსად და დიპლომატად მიაჩნია, პრეზიდენტად რომ არ თვლიან ეს კი იცის მაგრამ არ იმჩნევს.

ნახეთ რას ამბობს – „დღეს ქართულ პოლიტიკაში, ივანიშვილის გარდა, სხვა ოლიგარქი არ არის – დეოლიგარქიზაცია ნიშნავს, რომ რაც შეიძლება თავისუფალი არჩევნები გვჭირდება, რეალური კოალიციით, პროევროპული ფრონტით“,

პრეზიდენტობის სურვილი რომ გამოთქვა თავის დროზე მაშინ არ იყო ბიძინა ივანიშვილი ოლიგარქი? თუ ოღონდ საწადელი აესრულებინა და ყველაფერზე თანახმა იყო და ყველაფერზე წამსვლელი? ასეთ საქციელს მანამდეც და ახლაც რა ჰქვია იცის ალბათ, მაგრამ არ იტყვის! თუმცა ყველა ამჩნევს და შესაბამისი რეაქციაც და დამოკიდებულებაც აქვს სალომე ზურაბიშვილის მიმართ.

მიუხედავად იმისა, რომ ბევრი ნანობს რომ მას მისცა ხმა არჩევნებზე, ერთს ვიტყვი არავის არ ეგონა, თუ ეს ქალბატონი ასეთი უღირსობის მაგალითებსა და „მარგალიტებს“ შესთავაზებდა ხალხს“, – წერს ფეისბუქის პირად გვერდზე ლევან ნიკოლეიშვილი.