“თუ ოდნავ მაინც შერჩა ღირსება და ადამიანობა, კეთილი ინებოს, გადადგეს და შეუერთდეს ჩახდილებს და რადიკალებს” – ირაკლი ზარქუა სალომე ზურაბიშვილზე

საფინანსო საბიუჯეტო კომიტეტის თავმჯდომარის მოადგილე, ირაკლი ზარქუა ჟურნალსიტებთან მწვავე პოლიტიკურ შეფასებას აკეთებს ფრანგულ მედიისთვის საქართველოს პრეზიდენტის, სალომე ზურაბიშვილის მიერ მიცემულ ინტერვიუზე, სადაც მან ბიძინა ივანიშვილი ოლიგარქად მოიხსენია:

,,გვერდში დავუდექით – მის ნაცვლად ჩვენ ვიყავით პლაკატებზე გაკრული და ახლა ოლიგარქს ეძახის?! არაადეკვატურია, უნამუსობასთან ერთად არაადეკვატურობაა და მავნებლობა.

ჩემი აზრით, თუ ოდნავ მაინც შერჩა, სულ ოდნავ ღირსება და ადამიანობა, კეთილი ინებოს, გადადგეს და შეუერთდეს ჩახდილებს და რადიკალებს. მათი ინტერესების გამტარებელი გახდა“, – განაცხადა ირაკლი ზარქუამ.