“ყველა ჩვენგანს შეუძლია ამ “მოჯადოებული წრიდან” გამოღწევაში მცირე წვლილი შეიტანოს” – ზაზა ბიბილაშვილი

,,ილია ჭავჭავაძის კვლევითი ცენტრის” დამფუძნებელი, ზაზა ბიბილაშვილი ფეისბუქის პირად გვერდზე პოსტს აქვეყნებს, სადაც საუბრობს იმ პრობლემაზე, რაც ქვეყნის წინსვლის შემაფერხებელი ფაქტორია:

“ერთ წრეზე” იმიტომ ვტრიალებთ 30 წელია, რომ კიტოვანზე ან კარგს ვამბობთ, ან – არაფერს. და კიდევ უფრო იმიტომ, რომ სანამ ცოცხალი იყო, უდარდებლად დასეირნობდა კუს ტბაზე, როდესაც მის მიერ დანგრეული ქვეყნის ფეხზე წამომყენებლები ციხეში იყვნენ და არიან. კიდევ უფრო იმიტომ, რომ მეხსიერება არ გვაქვს და სალონურ-კუტოკურ გაგებას ვერ სცდება ჩვენი მოქალაქეობრივი შეგნება. იმიტომ, რომ კარგს კარგი არასდროს დაერქვა, ცუდს კი – ცუდი. იმიტომ, რომ კონფორმიზმი ჩვენი მთავარი ტრადიცია და ჩვენი ცხოვრების წესია.

ყველა ჩვენგანს შეუძლია ამ “მოჯადოებული წრიდან” გამოღწევაში მცირე წვლილი შეიტანოს – გვერდზე არგახედვით, ბოროტებასთან შეურიგებლობლობით, მეხსიერების “ურთიერთობაზე” წინ დაყენებით. სანამ ამას არ ვიზამთ, მანამდე იქნება ეს ქვეყანა კოლექტიური კიტოვანების – ანუ კრიმინალური მენტალობის, კორუმპირებული ნომენკლატურის, გაზულუქებული ჯაყოებისა და წითელი ინტელიგენციის (ანუ რუსების) ხელში, აწმყოში – ქოცით და მომავალში – ბურუსით“, – წერს ზაზა ბიბილაშვილი.

ავტორი
ნინი ხიჯაკაძე