,,მთავარი არხის” დამფუძნებელი, ნიკა გვარამია კომენტარს აკეთებს საქართველოში რუსულ გავლენებთან დაკავშირებით და იმ დეზინფორმაციულ კამპანიაზე, რომელსაც ქვეყანაში აწარმოებენ:
,,საქართველო იყო ერთ-ერთი პირველი საცდელი, ასევ ვთქვათ, ლაბორატორიასავით გამოყენებული რუსული პროპაგანდის მიერ. ომის დროსაც, მერე – არჩევნების დროს 2012 წელს, მანამდეც და ამის მერე იყო უკვე რუსეთის ჩარევა სხვადასხვა ტიპის არჩევნებში, არა მარტო პოსტ-საბჭოთა ქვეყნებში, არამედ ამერიკის შეერთებულ შტატებშიც, ბრექსიტშიც და ა. შ.
საქართველო იყო პირველი სატესტო, ასე ვთქვათ, თითქოს მაგალითი – სხვათაშორის, წარმატებული.
რუსეთი… ეს ეხლა დამტკიცდა, რომ რუსეთი არანაირი მეორე არმია არ არის და ა.შ., მაგრამ პროპაგანდის არმიაში რუსეთი ერთ-ერთი ყველაზე ძლიერია და ჯერ კიდევ ძალიან რთულია მისი დამარცხება.
განსაკუთრებით დასავლეთს ესმის ეს ცუდად. უცნაურია, მაგრამ ჩვენ უკეთესად გვესმის რუსული დეზინფორმაცია, რუსული პროპაგანდა, როგორ უფრო კარგად გავანეიტრალოთ ის. იმიტომ, რომ ჩვენ ამას ჩვენ კანზე ვგრძნობთ. ჩვენ ვიცნობთ რუსებს უკეთესად, ვიდრე დასავლეთი იცნობს, ამიტომ ჩვენ ბევრი გვაქვს ამაზე სათქმელი, განსაკუთრებით, ,,მთავარი არხის”, ქართული კრიტიკული მედიის წარმომადგენელებს და ჩანს, რომ ამას ყოველდღიურად ვეჯახებით და ყოველდღიურად ვებრძვით“, – განაცხადა ნიკა გვარამიამ.
ავტორი
ნინი ხიჯაკაძე
