საქართველოს თავდაცვის ყოფილი მინისტრი, თენგიზ კიტოვანი გარდაიცვალს. მასთან დაკავშირებით კონკრეტულ ფაქტებს იხსენებს ჟურნალისტი ვახო სანაია:
“თენგიზ კიტოვანი 2012 წლის დეკემბერში, არჩევნებიდან 3 თვის შემდეგ, რუსეთიდან საქართველოში დაბრუნდა, აეროპორტში ,,მე-9 არხი” დახვდა, რომელსაც უთხრა:
,,რა ბრალდება უნდა წაეყენებინათ, არაფერი დანაშაული არ ჩამიდენია“.
ამის შემდეგ მშვიდად ცხოვრობდა, პერიოდულად მედიაშიც ჩნდებოდა.
2019 წელს კი განაცხადა:
,,სააკაშვილს პირველი მე მოვკლავ. გაყიდა საქართველო და მაგის პოლიტიკით ვერ ამოგვიდგამს სული. მე არც ვმალავ, როგორც ჩამოვა, გავაგორებ, თუ ცოცხალი ვიქენი. 10 წელი დედა უტირა საქართველოს, ნახეთ რას დაამსგავსა, ქართველი ქართველს არა ჰგავს“.
●
ესაა საქართველოს უახლესი ისტორია და ,,აღდგენილი სამართლიანობა”.
პანთეონში განისვენებს ჯაბა იოსელიანიც.
ედუარდ შევარდნაძეს დიდი პატივით მოიხსენიებენ – ახალი ტენდენციაა, თითქოს არც სისხლში მოცურავე სამეგრელო ყოფილა, არც ზვიად გამსახურდიას დევნილობაში დასრულებული სიცოცხლე და არც სხვა უამრავი უბედურება.
გოგა ხაინდრავაც მორალს კითხულობს“, – წერს ფეიაბუქის პირად გვერდზე ვახო სანაია.
