“ეს არ არის არგაღიზიანების პოლიტიკა, არამედ ღალატის პოლიტიკა, შეგნებულად ოკუპაციის არდანახვის პოლიტიკა!” – გიორგი ბარამიძე

,,ერთიანი ნაციონალური მოძრაობის” პოლიტიკური მდივანი, გიორგი ბარამიძე პარტიის ოფისში გამართულ ბრიფინგზე საგანგებო განცხადებას აკეთებს პრემიერ-მინისტრის, ირაკლი ღარიბაშვილის განცხადებასთან დაკავშირებით:

,,გუშინწინ, პარიზში ბატონი ღარიბაშვილი გამობრძანდა და ისაუბრა, რომ თითქოს საქართველოში არის კონფლიქტები. არა კონფლიქტი საქართველოსა და რუსეთს შორის, არამედ ის ფორმულა დაასახელა, რაც მთელი წლების განმავლობაში არის რუსეთის მიზანი, რომ დაამკვიდროს.

ეს არ არის არგაღიზიანების პოლიტიკა, ეს არის ღალატის პოლიტიკა, შეგნებულად ოკუპაციის არდანახვის პოლიტიკა! ეს არის შეგნებულად ოკუპაციასთან შემრიგებლური პოლიტიკა!

ჩვენ გვინდა, რომ მშვიდობიანი გზებით, დიპლომატიურად, პოლიტიკურად, ეკონომიკური მეთოდებით შევეწინააღმდეგოთ რუსეთის აგრესიას, თამაზ გინტურის, ოთხოზორია-ტატუნაშვილის მკვლელობას და რუსეთს პოლიტიკური ფასი გადავახდებინოთ“, – განაცხადა გიორგი ბარამიძემ.

ავტორი
ნინი ხიჯაკაძე