პარლამენტის პირველი ვიცე-სპიკერი, გიორგი ვოლსკი მწვავე შეფასებას აკეთებს სალომე ზურაბიშვილის იმ პოზიციასთან დაკავშირებით, რომელიც საფრანგეთის ერთ-ერთ ტელეარხთან ინტერვიუში დააფიქსირა:
,,მთელი მსოფლიო მოელის იმას, რომ კაცობრიობის დაღუპვის, ამ დაპირისპირების განვითარების პერსპექტივა, როგორმე იქნება შეჩერებული.
ამ ვითარებაში, როდესაც ასეთი გლობალური პროცესები მიმდინარეობს, რასაკვირველია, სალომე ზურაბიშვილის ეს შემოძახილი არის დაუფიქრებელი, მავნებლური, არაპროფესიონალური და მე ვფიქრობ, უპასუხისმგებლო, საკუთარი ქვეყნის ინტერესების საწინააღმდეგო“, – განაცხადა გიორგი ვოლსკიმ.
ცნობისთვის: [ტელწამყვანის შეკითხვა] გულში იმედოვნებთ, რომ პუტინი და ასევე სი ძინ პინი ოდესმე გასამართლდებიან? სი ძინ პინი უიღურების გენოციდისთვის, ვლადიმერ პუტინი კი – ბრალდებულია არა მხოლოდ ომის დანაშაულებებისთვის, არამედ კაცობრიობის წინაშე ჩადენილი დანაშაულებებისთვის. თქვენი პირადი სურვილია, რომ ეს ადამიანი გასამართლდეს? პუტინი, რა თქმა უნდა, უპირველესად, რადგან თქვენ უფრო გეხება.
,,მე ჩემი შინაგანი რწმენით, ვფიქრობ, რომ ეს იქნებოდა ისტორიული შედეგი, რაც გარკვეულ საკითხებს თავის ადგილს მიუჩენდა.
თუ მეკითხებით, ვფიქრობ, რომ ეს რეალისტურია? არა! იმიტომ, რომ ჩვენ რეალისტურ სამყაროში ვცხოვრობთ, სადაც ეს არ ხდება, არ ვართ ,,ალისას სამყაროში”, – განაცხადა სალომე ზურაბიშვილმა.
ავტორი
ნინი ხიჯაკაძე
