წმინდა სინოდის 2 ნოემბრის განჩინებაზე თავის პოზიციას აფიქსირებს და კონკრეტულ განმარტებებს აკეთებს ანალიტიკოსი არჩილ გამზარდია:
“სინოდის განჩინება იყო ისეთი, როგორიც უნდა ყოფილიყო. ჩვენ რომ ვტენით საპატრიარქოს ყველა საზოგადოებრივ და პოლიტიკურ მოვლენაში და ეპისკოპოსებს პოლიტიკურ ექსპერტებად “ვაქცევთ”, სენსაციების მასალა რომ გვიზიდავს მხოლოდ, ეს უფრო არაადეკვატურია.
მე ის უფრო მომეწონა, რომ ეს განჩინება რეალურად არ გადასულა საეკლესიო ცხოვრების ფარგლებს და არ მოუხდენია ინტერვენცია საზოგადოებრივ და პოლიტიკურ მოვლენებში, მეტიც, უკეთესი იქნებოდა, თუ ამ საზღვრების (საეკლესიო ცხოვრების შინაარსის საზღვრების) იქით არც არაფერში ჩავრთავთ სასულიერო იერარქებს“, – წერს ფეისბუქის პირად გვერდზე არჩილ გამზარდია.
