პრეზიდენტმა, სალომე ზურაბიშვილმა ვეტო დაადო ,,შეკრებებისა და მანიფესტაციების შესახებ“ კანონში შეტანილ ცვლილებებს, რაც მმართველმა პარტიამ ისე განმარტა, რომ პრეზიდენტისა და ოპოზიციის ინტერესები თანხვედრაშია და ეს, მათი აზრით, ემსახურება დესტაბილიზაციას. აღნიშნულთან დაკავშირებით პოლიტიკური შეფასებები და კონკრეტული განმარტებები გააკეთა საქართველოს პარლამენტის წევრმა, ,,სტრატეგია აღმაშენებლის” გენერალურმა მდივანმა, პაატა მანჯგალაძემ:
,,ამას ისედაც აკეთებდნენ. ეს რატომ სჭირდებათ? – იმიტომ, რომ დამატებითი რეგულაცია ჰქონდეთ. ახლა პოლიციელი მერე იქ, აქციაზე რას განმარტავს და როგორ შეუფარდებს ამ ნორმას, არავინ იცის.
დიახაც, ეს არის გამოხატვის თავისუფლების შეზღუდვა! დიახაც, ვეტო უნდა დაედოს, მაგრამ ეს არ ნიშნავს, რომ რაიმე საერთო სამოქმედო გეგმა გვაქვს.
,,გამარჯვების კოალიციას” ანუ ,,ნაციონალურ მოძრაობას” და ,,სტრატეგია აღმაშენებელს” ზურაბიშვილის მიმართ აქვს მინიმალური ნდობა, ვიდრე მიხეილ სააკაშვილი არ არის გათავისუფლებული.
ეს ვეტო დაიძლევა იმიტომ, რომ მათემატიკაა ჩვეულებრივი – 76 ხმა სჭირდება და ქოცნი მეტნი არიან ბევრად, ვიდრე 76 ხმაა“, – განაცხადა პაატა მანჯგალაძემ.
ავტორი
ნინი ხიჯაკაძე
