კრიმინალური სამყაროს წევრობის პრესტიჟულობის დაბრუნებაზე საუბრობს ინტერნეტგამოცემა “ტაბულას” დამფუძნებელი და მთავარი რედაქტორი თამარ ჩერგოლეიშვილი და აცხადებს რომ აღნიშნულის წახალისებას ახდენს ხელისუფლება:
“ვრცელდება სარწმუნო ინფორმაცია, რომ პატრულს ვინც ყელი გამოჭრა, ქურდობა უნდოდა და სტატუსისთვის ქნა.
ამ ფაქტის გარეშეც თვალნათელია, რომ კრიმინალური სამყაროს წევრობა ისევ პრესტიჟული ხდება ჩვენი საზოგადოების გარკვეულ ნაწილში.
ეს კანონზომიერია:
როდესაც ხელისუფლება კრიმინალთან კონტრაქტს აფორმებს, როდესაც ხელისუფლება კრიმინალს არჩევნებში იხმარს, როდესაც ხელისუფლება კრიმინალს ოპონენტების წინააღმდეგ იყენებს, როდესაც “8 სულ ქურდთან” ქეიფი ქალაქის მერის აღფრთოვანების მიზეზია, კრიმინალის წონა იზრდება.
გაზრდილი წონა კრიმინალებს ახალგაზრდა თაობისთვის მიმზიდველად აქცევს.
მთავრობის უპასუხისმგებლო პოლიტიკის შედეგებს არა იმდენად პოლიტიკური ოპონენტი, რამდენადაც რიგითი და დაუცველი მოქალაქე იმკის,” – წერს ფეისბუკის პირად გვერდზე თამარ ჩერგოლეიშვილი.
