გავრცელებული ინფორმაცის თანახმად, საქართველოს ყოფილმა მთავარმა პროკურორმა, სანქცირებულმა ოთარ ფარცხალაძემ საქართველო დატოვა. ამასთან დაკავშირებით კეთდება კონკრეტული შეფასებები. თავის მხრივ პოზიციას აფიქსირებს ანალიტიკოსი გია ხუხაშვილიც:
“ახლა ახალი ვირუსი შეგვეყარა – წმინდა პოლიტიკურ თემაზე მიმდინარეობს არა პოლიტიკური, არამედ იურიდიული განხილვა, რასაც სრულ აბსურდამდე მივყავართ.
შესაბამისად, მივედით იმ მოცემულობამდე, როდესაც ხელისუფლებას და ოპოზიციას აქვთ საერთო ინტერესი და შეხედულება – სასწრაფოდ ჩამოერთვას ფარცხალაძეს მოქალაქეობა.
ამით ერთი პრობლემას მოიშორებს, მეორე კი საკუთარ უსაფუძვლო ეგოს დაიკმაყოფილებს…
მოეშვით სამართლებრივ ანალიზს, დაუბრუნდით პოლიტიკას და სუს-ს დაუსვით მარტივი კითხვა – შეეზღუდა თუ არა ფარცხალაძეს საზღვრის კვეთის უფლება, როგორც ეს მოხდებოდა ნებისმიერი სხვა მოქალაქის შემთხვევაში?“, – წერს ფეისბუქის პირად გვერდზე გია ხუხაშვილი.
