შოვში, სტიქიის ადგილი შინაგან საქმეთა მინისტრმა, ვახტანგ გომელაურმა მოინახულა, რის შემდეგაც ჟურნალისტებთან კომენტარი გააკეთა, სადაც ისაუბრა, თუ რატომ არ მიმდინარეობდა სამაშველო ღონისძიებები სტიქიის ღამეს:
,,პირველ რიგში, მინდა ღრმა მწუხარება გამოვხატო დაღუპული ოჯახების მიმართ. ნამდვილად, ძალიან დიდი ტრაგედია მოხდა. 24 ადამიანი ვნახეთ გარდაცვლილი. იცით, რომ 9 ადამიანს ვეძებთ ისევ, დაკარგულად ითვლება. ჩართულია პირველივე საათებიდან სამაშველო სამსახური, ადგილობრივი პოლიცია, თავდაცვის სამინისტრო ჩაერთო მალევე ბატონი პრემიერის დავალებით.
ვერტმფრენებს რაც შეეხება – ვერტმფრენები ჩამოვიდა დაახლოებით 3 საათში. ვერტმფრენი არ არის არც ველოსიპედი, არც მანქანა, რომ დაჯდე და უცებ გავარდე. მას მომზადება სჭირდება.
მერე მეორე – ამინდი იყო ძალიან ცუდი. თითქმის 2 საათი ღრუბლებს უვლიდნენ, რომ შემოფრენილიყო ხეობაში. მაინც ჩამოვიდა ვერტმფრენი, იმუშავეს. შუაში, სადაც კუნძულზე იყო 70 ადამიანი, გამოიყვანეს უსაფრთხო ადგილას. მეორე მხარეს, რაც იყო ფერდობზე – უკვე იქ ჩვენი პოლიციელებიც ადგილზე იყვნენ, საკვებიც, უსაფრთხო ადგილი იყო. დაღამდა, იქიდან გამომდინარე, რომ საფრთხე იყო, აღარ გავრისკეთ. მეორე დღეს გამოვიყვანეთ ეს დანარჩენი ადამიანები.
რაც შეეხება, რატომ არ დაფრინავდნენ ღამე?! ამაზე ასჯერ მაქვს ახსნილი. ვინც ერკვევა ავიაციაში, ყველას კარგად ესმის, რომ ჩვენ გვაქვს ღამის ფრენის საშუალებები, შეძენილი გვაქვს, შეგვიძლია ვიფრინოთ. თუმცა, არის ძალიან დიდი რისკი, ასე რომ ვთქვათ, თუ მართლა ადამიანის სიცოცხლეს არ ემუქრება იმ წამს რაღაცა რომ გარისკოს პილოტებმაც, არ არის მიზანშეწონილი, დაშვებული. არ შეიძლება, დილით გამოვიყვანოთ 3 საათში ადამიანები? გავრისკოთ და ვერტმფრენიც დავღუპოთ და პილოტებიც“, – განაცხადა ვახტანგ გომელაურმა.
ავტორი
ნინი ხიჯაკაძე
