,,სოციალური სამართლიანობის ცენტრმა“ ყოველწლიური ანგარიში წარადგინა ნარკოპოლიტიკის პრობლემებთან დაკავშირებით. თემასთან დაკავშირებით კომენტარი გააკეთა ცენტრის წარმომადგენელმა, გურამ იმნაძემ:
,,სახელმწიფოს მხრიდან კვლავაც არ ტარდება სისტემური რეფორმები იმისთვის, რომ ნარკოპოლიტიკა იყოს ადამიანის უფლებებზე დაფუძნებული, დაბალანსებული. ამ პირობებში, კვლავაც წამყვანი ხაზი მოდის ისევ დასჯაზე, მკაცრი კანონმდებლობის აღსრულებაზე.
ქვეყანა არის მოწყვლადი – ვგულისხმობთ, მაგალითად, ახალ ფსიქოაქტიურ ნივთიერებებს, რომლებიც უფრო მარტივად შეიძლება იწარმოებოდეს მსოფლიოს სხვადასხვა წერტილში, მათი გავრცელება ბევრად უფრო ადვილი არის. ამიტომაც ძველი, გავრცელებული, სტანდარტული, საპოლიციო, სამართალდაცვითი მექანიზმები, ხშირ შემთხვევაში, ისეთი ეფექტური არ არის ხოლმე ამ ნივთიერებების და პრობლემების მიმართ”, – განაცხადა გურამ იმნაძემ.
ავტორი
ნინი ხიჯაკაძე
