“ქართველი ხალხის ნაცვლად ეს ხელისუფლება და ივანიშვილი ემსახურება პუტინის რუსეთის ინტერესებს” – საბა ბუაძე

თბილისის საკრებულოს ფრაქციის ,,ლელო – პარტნიორობა თბილისისათვის’’ თავმჯდომარე, საბა ბუაძე ჟურნალისტებთან კომენტარს აკეთებს იმ საფრთხეებზე, რაც შეიძლება გამოიწვიოს საქართველოში რუსული საგანმანათლებლო ცენტრების გახსნამ:

,,ქართველი ხალხის ნაცვლად, ეს ხელისუფლება და ივანიშვილი პუტინის რუსეთის ინტერესებს ემსახურება. შესაბამისად, არ არის გასაკვირი, რომ საქართველოში სისტემატიურად მიმდინარეობს ჩვენი ქვეყნის სუვერენული ინტერესების ძირგამომთხრელი სამუშაოები.

ამის შესახებ სუსიც, პარლამენტიც და მთავრობაც კარგად არის ინფორმირებული. ისინი ცდილობენ, რომ კრემლიდან წამოსული სახელმძღვანელოებით იხელმძღვანელონ თავად და არაფრით ხელს არ უშლიან ასეთ საშიშ საქმიანობას საქართველოში”, – განაცხადა საბა ბუაძემ.

ავტორი
ნინი ხიჯაკაძე