საქართველოს პარლამენტის წევრი, ,,სტრატეგია აღმაშენებლის“ გენერალური მდივანი, პაატა მანჯგალაძე პოლიტიკურ შეფასებას აკეთებს ქართული ჯარში რუსეთიდან შემოტანილ პროდუქციასთან დაკავშირებით:
,,ეს არის ჰიბრიდული ომის კომპონენტი, ნელ-ნელა მიგვაჩვიონ რუსეთს. თქვან, რომ რუსეთი ოკუპანტი და მტერი კი არ არის საქართველოსი, არამედ ჩვენი კეთილდღეობის მთავარი გარანტია.
ასევე, ხდება ჯარისკების ფსიქოლოგიურად შეგუება. ჯარისკაცებიც ნახავენ, რომ აი, რუსულ პროდუქტს ვჭამთ, რუსეთიდან ტურიზმი შემოდის, პირდაპირი ფრენები გვაქვს და აღქმა შეიცვალოს, რომ რუსეთი არ არის მტერი.
ამ დროს მტრად აცხადებენ დასავლეთს, ამერიკის შეერთებულ შტატებს, ევროპას…“, – განაცხადა პაატა მანჯგალაძემ.
ინფორმაციისთვის: თავისუფლების ინსტიტუტის მიერ გამოქვეყნებულ მასალაში განხილულია, ,,რას ჭამს ქართული ჯარი? რომელი კომპანია უზრუნველყოფს ჯარის კვებას და რომელი პროდუქტებისგან შედგება ჯარისკაცების რაციონი?“:
- 2021-2022 წლებში თავდაცვის სამინისტრომ ქართული ჯარისთვის 18,000 ლარის რუსული საკვები ზეთი იყიდა;
- 2015-2022 წლებში სამინისტრომ 232,000 ლარის რუსული ანაკომის სუპი, კეტჩუპი და მაიონეზი შეიძინა;
- შესყიდვების სააგენტოს ცნობით, 2022 წლიდან თავდაცვის სამინისტროს კვების მომსახურებისთვის ტენდერი აღარ გამოუცხადებია;
- უკვე მეორე წელია გაურკვეველია, რომელი კომპანია უზრუნველყოფს ჯარის კვებას და რისგან შედგება ჯარისკაცების რაციონი”, – წერს ფეისბუქის გვერდზე ,,თავისუფლების ინსტიტუტი“.
ავტორი
ნინი ხიჯაკაძე
