ამერიკის შეერთებული შტატების ყოფილი ელჩი საქართველოში, კელი დეგნანი შეფასებებს აკეთებს ,,უცხოური გავლენის აგენტების“ კანონპროექტთან დაკავშირებით და განმარტავს, თუ რა შედეგების მომტანი შეიძლება ყოფილიყო აღნიშნული ცვლილების მიღება საქართველოსთვის:
,,ვფიქრობ, რომ ეს კანონპროექტი არის რუსული ტიპის და ორიენტირებულია არასამთავრობო ორგანიზაციებზე. ქართული არასამთავრობო ორგანიზაციები მუშაობენ საქართველოს საუკეთესო ინტერესების გათვალისწინებით.
აშშ-ის აქტი ფოკუსირებულია ლობისტებზე და იურიდიულ ფირმებზე, რომლებიც დაქირავებული არიან გარე წყაროების მიერ, რათა იმუშაონ ამ გარე წყაროების სასარგებლოდ. ასე, რომ საკმაოდ მკაფიო განსხვავებაა ამერიკულ კანონსა და რუსულ კანონს შორის, რომელსაც საქართველოში კენჭი უყარეს.
ჩვენ ვხედავთ, რომ ამ კანონმა დამღუპველი გავლენა მოახდინა რუსეთში არასამთავრობო ორგანიზაციებზე, რომელთა უმეტესობა დაიხურა ან გავიდა ქვეყნიდან.
ასე, რომ ამერიკის შეერთებული შტატების კანონი, რომელიც ორიენტირებულია იმ იურიდიული ფირმების და ლობისტების გამჭვირვალობაზე, რომლებიც დაქირავებულები არიან უცხოელების მიერ, უხოელთა ინტერესებისთვის სამუშაოდ, სრულიად განსხვავებულია და უზრუნველყოფს გამჭირვალობას.
საქართველოში კი თქვენ უკვე გაქვთ გამჭვირვალობა დონორებთან და არასამთავრობო ორგანიზაციებთან მუშაობისას“, – განაცხადა კელი დეგნანმა.
ავტორი
ნინი ხიჯაკაძე
