“თუ საქართველოში სააკაშვილის ბოგინის ეპოქა არ განახლდება, ამ შემთხვევაში, არახამიას არ აღელვებს და მისთვის უინტერესოა ქართულ-უკრაინული ურთიერთობა” – მიხეილ სარჯველაძე

პარლამენტის ადამიანის უფლებათა და სამოქალაქო ინტეგრაციის კომიტეტის თავმჯდომარე, მიხეილ სარჯველაძე კომენტარს აკეთებს, გუშინ, კიევში, მიხეილ სააკაშვილის მხარდამჭერ ფორუმზე გაკეთებულ განცხადებებთან დაკავშირებით, კერძოდ უმაღლესი რადას ფრაქცია:

,,არ შეიძლება ასე ხელაღებით, რომ ჯერ მოთხოვნა წამოაყენო, შემდეგ ,,ითევზაო” არგუმენტებზე. არა სახელმწიფოს, არამედ პარტიული ინტერესი აქვთ, რომ სააკაშვილი განთავისუფლდეს. ამ მიზნით იღვწიან და ამას არაფერი აქვს საერთო ჰუმანიტარულ მოტივაციასთან. ამას უბრალოდ ღიად ვერ იტყვიან.

არსებობს მოცემულობა, ქართულ-უკრაინული ურთიერთობა, რომელიც მნიშვნელოვანია, მაგრამ არახამიასთვის უფრო მნიშვნელოვანია, თუ საქართველოში სააკაშვილის ბოგინის ეპოქა არ განახლდება, ამ შემთხვევაში, აბსოლუტურად არ აღელვებს და უინტერესოა მისთვის ქართულ-უკრაინული ურთიერთობა.

წირავს, რა თქმა უნდა, ქართულ-უკრაინულ ურთიერთობას. მარტო იმისთვის, რომ ეს გამოყენებული იქნას, როგორც სამსხვერპლოზე, ასე ვთქვათ – ტარიგი, სააკაშვილის გათავისუფლების ამოცანისთვის. ამას აკეთებს შეგნებულად”, – განაცხადა მიხეილ სარჯველაძემ