“როდესაც იგივე საქმეს ეხიდები, რასაც “ნაციონალური მოძრაობა”, ეს ნიშნავს იმას, რომ იმ ორბიტაზე ტრიალებ” – მიხეილ სარჯველაძე

პარლამენტის ადამიანის უფლებათა და სამოქალაქო ინტეგრაციის კომიტეტის თავმჯდომარე, მიხეილ სარჯველაძე კომენტარს აკეთებს ოპოზიციის გაერთიანების სტრატეგიასთან დაკავშირებით:

,,სტრატეგია აღმაშენებელი”, რომელსაც პრობლემა უდგას მომდევნო არჩევნებში ნებისმიერი ბარიერის გადალახვის, ასეთ დროს მართვის პოლიტიკური ამოცანა არის, რომ მიეკედლონ რომელიმე შედარებით დიდ პოლიტიკურ პარტიას იმისთვის, რომ პარლამენტში ადგილები მოიპოვონ. თორემ, მოგვიანებით, ისევ დაიშლებიან და ა.შ.

ადამიანს ამბიცია აქვს პრემიერ-მინისტრობაზე და ა.შ. ბატონ ვაშაძეს ვგულისხმობ. ახლა იგივე ადამიანი ვერ იტყვის, რომ ვერთიანდები იმიტომ, რომ ბარიერის გადალახვის პრობლემა მაქვსო. ამიტომ უწევს, რა თქმა უნდა, მოგონება ისეთი არგუმენტაციისა, რომლის ნადვილობისა თვითონაც შეიძლება არ სჯერა.

რეალურად, როდესაც იგივე საქმეს ეხიდები, რასაც ,,ნაციონალური მოძრაობა”, რასაკვირველია, ფორმალურად დამოუკიდებელი პარტია რომც გერქვას, ეს ნიშნავს იმას, რომ იმ ორბიტაზე ტრიალებ. აქედან გამომდინარე, არავითარი განსხვავებული აქ არ არის“, – განაცხადა მიხეილ სარჯველაძემ.

ავტორი
ნინი ხიჯაკაძე