საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე ქვეყანაში გახშირებული ძალადობის ფაქტებს ეხმაურება, მათ შორის ,,პრაიდის ფესტივალზე” მისული კონტრაქციის მონაწილეების ქმედებებს:
,,რაც ვიხილეთ ჩვენ ძალადობრივი ჯგუფების მიერ, ძალადობრივი დარბევა კონკრეტული საზოგადოებრივი ჯგუფის ღონისძიების, მას არაფერი საერთო არ აქვს არც ქრისტიანობასთან, არც ქრისტიანობის თუ ტრადიციული ღირებულებების დაცვასთან.
ქრისტიანობა არ არის განსხვავებულად მოაზროვნე და ცხოვრების წესის მქონე ადამიანების დარბევა და ლინჩის წესით, ქვებით განადგურება.
ეს ხალხი წარმოადგენს არა საქართველოს, იმ მომავალ ნათელ საქართველოს, რომელმაც უნდა გააბრწყინოს ქვეყანა, არამედ – შავრაზმულ დაჯგუფებას”, – განაცხადა პაატა მანჯგალაძემ.
ავტორი
ნინი ხიჯაკაძე
