ამერიკის შეერთებული შტატები და სხვა სტრატეგიული პარტნიორი ქვეყნები მხარს უჭერს საქართველოს NATO-ში ინტეგრაციის საკითხს. თემასთან დაკავშირებით პოლიტიკურ შეფასებას აკეთებს პარტია ,,ლელო საქართველოსთვის” საერთაშორისო მდივანი, გრიგოლ გეგელია:
,,ეს არის ძალიან მკაფიო გზავნილი იმასთან დაკავშირებით, რომ ქართველი ხალხის და საქართველოს სახელმწიფოს [NATO-ში] ინტეგრაციას, რა თქმა უნდა, ემხრობა ყველა ჩვენი მეგობარი. ამავე დროს, ეს არის გზავნილი იმასთან დაკავშირებით, რომ საქართველოს ხელისუფლება არ აკეთებს საკმარისს იმისთვის, რომ ჩვენ შევასრულოთ ის პირობები, რომლის შესრულებაც არის აუცილებელი.
ვილნიუსის სამიტი, რა თქმა უნდა, არის საეტაპო მნიშვნელობის სამიტი. მითუმეტეს, იმ ფონზე, თუ რა რეგიონალური განვითარებები არის ადგილზე, კონკრეტულად, რუსეთ-უკრაინის ომის ფონზე.
ასეთ ვითარებაში უაღრესად მნიშვნელოვანია, რომ საქართველო მაქსიმალურად ყოფილიყო უკრაინის გვერდით, უკლებლივ ყველა თვალსაზრისით, როგორც ფიზიკურად, საქართველოს ლიდერის, ვთქვათ – პირადი წარმომადგენლობის მხრივ, ასევე შინაარსობრივად”, – განაცხადა გრიგოლ გეგელიამ.
ავტორი
ნინი ხიჯაკაძე
