“პრეზიდენტი ზელენსკი ელოდება პასუხებს “ქართული ოცნების” ხელისუფლებისგან” – პეტრე ცისკარიშვილი

პარტია ,,ერთიანი ნაციონალური მოძრაობის” გენერალური მდივანი, პეტრე ცისკარიშვილი შეფასება-განმარტებებს აკეთებს იმასთან დაკავშირებით, თუ რა პირობა წაუყენა უკრაინის პრეზიდენტმა, ვოლოდიმირ ზელენსკიმ, საქართველოს ელჩს უკრაინაში, ქვეყნის დატოვების პარალელურად. ოპოზიციონერი ლიდერი ასევე მოსაზრებას გამოთქვამს, თუ რა ქმედითი ნაბიჯები უნდა გადაიდგას საქართველოს მხრიდან:

,,სამოგზაუროდ და ვიზიტით, ტურისტულად – ეს კაცი იქიდან არ გამოუშვიათ. პრეზიდენტი ზელენსკი, მისი ადმინისტრაცია ელოდება პასუხებს ,,ქართული ოცნების” ხელისუფლებისგან და კონკრეტულ გადაწყვეტილებებს, პირველ რიგში, მიშა სააკაშვილთან დაკავშირებით.

რუსული ოცნების წარმომადგენლები, სამწუხაროდ, ამ დიდ სურათს ვერ ხედავენ. გეოპოლიტიკურად მომავალში ვერ იხედებიან და საქართველოს დამარცხებულის მხარეს აყენებენ. მაშინ, როდესაც ვისაც ისინი გლობალურ ომის პარტიას ეძახიან, სინამდვილეში, ეს არის ცივილიზებული სამყარო, რომელიც მთავარი აგრესორის და ომის პარტიის, პუტინის რეჟიმის წინააღმდეგ იბრძვის ახლა”, – განაცხადა პეტრე ცისკარიშვილმა.

ავტორი
ნინი ხიჯაკაძე