იუსტიციის მინისტრმა, რატი ბრეგაძემ საგანგებო ბრიფინგზე განცხადება გააკეთა საქართველოს მე-3 პრეზიდენტის საქმეზე და მიხეილ სააკაშვილის გარშემო მყოფ ადამიანებს მიმართვას, რომ აჟიოტაჟის ნაცვლად მსჯვარდებულს ექიმების რეკომენდაციების შესრულებისკენ მოუწოდონ:
,,ქართული სასამართლოს მეშვეობით მსჯავრდებული სააკაშვილის საზღვარგარეთ გაყვანის მორიგი წარუმატებელი მცდელობის შემდგომ, საქართველოსთვის ზიანის მიყენებაზე ორიენტირებულმა რადიკალებმა განაახლეს ადგილობრივი და საერთაშორისო საზოგადოების შეცდომაში შეყვანის მცდელობები.
ამჟამინდელი, ტყუილზე დაფუძნებული, მავნებლური კამპანიის მიზანია მსჯავრდებულის თავისუფლების უკანონოდ მოპოვება, მათ შორის, სახელმწიფოს ინტერესების დაზიანების ხარჯზე.
იმ ძალის წარმომადგენლები, რომლებიც მხოლოდ პარლამენტის წევრის პრივილეგიებით სარგებლობენ და სიმართლისთვის თვალის გასწორების შიშით პრემიერის მოხსენებისას დარბაზიდან გარბიან, საზოგადოებამ უნდა იცოდეს, რომ პირველ რიგში, ისინი სწორედ საკუთარ ამომრჩეველს აყენებენ ძალიან დიდ შეურაცხყოფას, რაც განსაკუთრებით სამწუხაროა. საკუთარ დამოკიდებულებას სახელმწიფოს მიმართ რითიც აჩვენებენ არის ის, რომ საგაზაფხულო სესიის დახურვისას, საქართველოს ჰიმნის დროსაც არ ასრულებენ საკუთარ მოვალეობას. საქმე გვაქვს სწორედ ამ ,,პოლიტიკურ ძალასთან“. სწორედ ამ ,,პოლიტიკოსებს“ სურთ, მსჯავრდებულის გარშემო აჟიოტაჟის შექმნა და მის ხარჯზე პოლიტიკურ წარსულში გადაბარგების, თუნდაც, ძალიან მცირე ხნით გადავადება.
მსჯავრდებული სააკაშვილი ახლაც სრულად არ ემორჩილება მკურნალობის კურსს და არ იღებს ექიმების მიერ რეკომენდირებულ საკვებს. მსჯავრდებულის გამოჯანმრთელებით გულწრფელად დაინტერესებულ ადამიანებს და თავად მსჯავრდებულსაც მოვუწოდებთ, რომ ჩანასახშივე განწირული მანიპულაციების ნაცვლად, შეასრულოს ექიმების რეკომედნაციები, მიიღოს იმ რაოდენობის და სახეობის საკვები, რასაც ექიმები ეუბნებიან“, – განაცხადა რატი ბრეგაძემ.
ავტორი
ნინი ხიჯაკაძე
