პარლამენტის პლენარულ სხდომაზე, საპარლამენტო ოპოზიციის წარმომადგენელის განცხადებით, საქართველოში კატასტროფული დემოგრაფიული მაჩვენებლებია, კერძოდ, მნიშვნელოვნად დაეცა შობადობის მაჩვენებელი:
„2015 წელთან შედარებით ყოველწლიური შობადობის მაჩვენებელი 20 ათასით არის შემცირებული. 2022 წელს 7000 ადამიანით მეტი გარდაიცვალა საქართველოში, ვიდრე დაიბადა. დემოგრაფიული კატასტროფამდე მიიყვანეთ ხალხი და ამის მერე საუბრობთ, რომ ეკონომიკა ჰყვავის? ვისთვის ჰყვავის ეს ეკონომიკა, გამაგებინეთ?“ – კითხულობს გიორგი ვაშაძე.
დეპუტატის ინფორმაციით, მარტო 2022 წელს საქართველო დატოვა 100 000-მა მოქალაქემ.
„რატომ დატოვეს, იმის გამო, რომ სამუშაო ადგილები შექმენით? იმიტომ, რომ ეკონომიკა ჰყვავის? იმიტომ, რომ მაგარი ცხოვრებაა ქვეყანაში? სიღარიბის და გაჭირვების გამო დატოვა“,- განაცხადა გიორგი ვაშაძემ.
ინფორმაციას პარლამენტის საზოგადოებასთან ურთიერთობისა და ინფორმაციის დეპარტამენტი ავრცელებს
