საგარეო ურთიერთობათა კომიტეტის თავმჯდომარის პირველი მოადგილე, მარიამ ლაშხი აცხადებს, რომ კარგი იქნებოდა, თუ სიტყვა ,,რუსისა“ და ე.წ. შეურაცხმყოფელი სიტყვების დაძახება საკანონმდებლობა ორგანოში შიეზღუდებოდა. საპარლამენტო უმრავლესობის წევრი აღნიშნავს, რომ ირლანდიის პრაქტიკას შეისწავლის, თუ როგორ შეიძლება მსგავსი კანონი საქართველოში წარმატებით განხორციელდეს:
,,ჩვენ რომ გვქონდეს შეზღუდვა, მაგალითად, ,,რუსების“ ძახილზე, სხვა შეურაცხყოფებზე – ძახილზე რომ იყოს ჩანაწერი, შესაბამისად, გვექნებოდა შინაარსობრივი კითხვები და შინაარსობრივ საფუძველზე დამკვიდრებული კონკრეტული შენიშვნები.
დიდი სიამოვნებით დავაინიცირებდი. სულ ცოტა ხნის წინ იყვნენ ირლანდიელები და ვთხოვე, რომ გაეზიარებინათ გამოცდილება. მე ჯერ შევისწავლი ამ პრაქტიკას – რა პრაქტიკამ შეიძლება იმუშაოს წარმატებულად საქართველოში.
ჩვენი პარლამენტი დაცლილი არის შინაარსობრივი დისკუსიისგან. მაშინ, როდესაც არ აქვს ოპოზიციას არგუმენტები, პირდაპირ გადადიან ,,რუსის“ ძახილზე და შეურაცხყოფებზე. რაც ყველაზე უფრო შეურაცხმყოფელ სიტყვად იქცა დღევანდელ რეალობაში, არა მხოლოდ საქართველოში, არამედ მსოფლიოში მათი აგრესიული და არამორალური საქციელის გამო“, – განაცხადა მარიამ ლაშხმა.
ავტორი
ნინი ხიჯაკაძე
