“მე გეტყვით როდის გადასცემს ივანიშვილი ხალხს დენდროლოგიურს, თუ მისი ხარჯი უფრო მეტი იქნება, ვიდრე შემოსავალი” – პაატა მანჯგალაძე

შეკვეთილის დენდროლოგიური პარკი ბერა ივანიშვილმა დედას, ეკატერინე ხვედელიძეს საჩუქრად გადასცა. აღნიშნულთან დაკავშირებით კომენტარი გააკეთა საქართველოს პარლამენტის წევრმა, ,,სტრატეგია აღმაშენებლის“ გენერალურმა მდივანმა, პაატა მანჯგალაძემ:

,,რაც გადასცა ხალხს, ვგულისხმობ – იგივე ციცინათელას, ზარალია სახელმწიფოსთვის, არანაირი მოგება მაგაში არ არის. იგივე ზარალზე დგას ასევე ცენტრი, დიდი საკონცერტო დარბაზი რაც არის – Black See Arena.

იმიტომ არის ზარალი, რომ მოგებაში არ არის – უფრო ნაკლებს წერს, ვიდრე ხარჯი აქვს. ივანიშვილმა ესეთი კომპანიები მოიშორა.

რაც შეეხება დენდროლოგიურს – არ ვიცი მისი ფინანსური მდგომარეობა. მე გეტყვით როდის გადასცემს ივანიშვილი დენდროლოგიურს, თუ ზარალზე წავა და მისი ხარჯი უფრო მეტი იქნება, ვიდრე შემოსავალი – ამ დროს შეიძლება აჩუქოს ხალხს. სხვა შემთხვევაში, ივანიშვილი ხალხს არაფერს არ აჩუქებს“, – განაცხადა პაატა მანჯგალაძემ.

ავტორი
ნინი ხიჯაკაძე