საქართველოში ვიზიტით ჩამოვიდა სანქციების საკითხებში ევროკავშირის სპეციალური წარმომადგენელი დევიდ ო’სალივანი. ამასთან დაკავშირებით პოლიტიკურ შეფასებებს აკეთებს პარლამენტის წევრი, ,,სტრატეგია აღმაშენებლის“ გენერალური მდივანი, პაატა მანჯგალაძე:
,,მაღალი თანამდებობის პირები არიან ჩამოსული იმისთვის, რომ ადგილზე გაერკვნენ ვითარებაში. სამწუხაროდ, თუ აღმოჩნდება, რომ მართალია, რასაც ამბობს რუსეთის საბაჟო სამსახურის უფროსი, არ არის გამორიცხული, რომ სანქციები დაწესდეს.
ერთს ვიტყვი, რომ მე კი არ მიხარია საქართველოსთვის სანქციების დაწესება მინდა, რომ ყველა იმ ადამიანს და თანამდებობის პირს დაუწესდეს სანქცია, ვინც სანქციების გვერდის ავლის მექანიზმში მონაწილეობდა.
რატომ? – სანქციები არის დაწესებული იმისთვის, რომ რუსეთის სიკვდილის მანქანას არ ჰქონდეს ომის გაგრძელების რესურსი. ვინც ამაში რუსეთს ეხმარება, აუცილებლად უნდა დასანქცირდეს“, – განაცხადა პაატა მანჯგალაძემ.
ავტორი
ნინი ხიჯაკაძე
