გუშინ, ბრიუსელში, საქართველოს პრემიერ-მინისტრი, ირაკლი ღარიბაშვილი ევროპული საბჭოს პრეზიდენტს, შარლ მიშელს შეხვდა, რა დროსაც ყურადღება გამახვილდა 12 რეკომენდაციაზე, რაც ივნისის ბოლომდე უნდა შერულდეს, რათა ქვეყანამ მიმდინარე წელს კანდიდატის წევრის სტატუსი მიიღოს. აღნიშნულ თემაზე კომენტარს აკეთებს საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე:
,,დაგვეხმარეთ, რომ დაგეხმაროთ” – ყველა გზავნილს ეს ხაზი გასდევს. ევროპა მზად არის, ევროპის კარი ღიაა, ევროპა გულწრფელია ნამდვილად თავის შეთავაზებაში. მთავარი არის ამ ღია კარში საქართველოს ხელისუფლებამ ფეხი შედგას. ფეხის შედგმა კი ნიშნავს იმ რეფორმების გატარებას, რომელსაც ჩვენგან ითხოვენ.
ჩვენთან რა ხდება? ისევ გაუთავებელი პროპაგანდა, რომ დასავლეთი ომს გვაძალებს, დასავლეთი გარყვნილია, დასავლეთი საქართველოს განადგურებით და იდენტობის დაკარგვით ემუქრება.
ეს როგორ არის თავსებადი ერთმანეთთან?! იქ რაღაცა სხვას ვლაპარაკობთ, მერე აქ ჩამოვალთ და ტვინს ვურეცხავთ ადამიანებს. ორივე ერთმანეთთან თავსებადი არ არის”, – განაცხადა პაატა მანჯგალაძემ.
ავტორი
ნინი ხიჯაკაძე
