პარტია ,,ლელო საქართველოსთვის“ პოლიტიკური საბჭოს წევრი, საბა ბუაძე კომენტარს აკეთებს იმასთან დაკავშირებით, თუ რა სტრატეგია უნდა შემუშავდეს ოპოზიციურ სპექტრში 2024 წლის არჩევნებისთვის, რათა მოხდეს ხელისუფლების ცვლილება:
,,2024 წლის არჩევნებისთვის ჩვენი მთავარი ამოცანა არის ხელისუფლების ცვლილება. შესაბამისად, ყველა ჩვენი გადაწყვეტილება სწორედ ხელისუფლების ცვლილების აუცილებლობით გამომდინარეობს.
ზუსტად ამიტომ, ჩვენ მნიშნელოვანად მიგვაჩნია, რომ ახალი, ალტერნატიული პოლიტიკური პლატფორმა ,,ნაციონალური მოძრაობის“ გარეშე განვითარდეს. ამ პლატფორმამ თავისი უმნიშვნელოვანესი როლი უნდა შეასრულოს ხელისუფლების ცვლილების ამოცანის მიღწევაში.
ვგეგვმავთ, რომ ამ ახალი პლატფორმის ჩამოყალიბების პროცესში ყველა პროდასავლურ პარტიასთან კომუნიკაცია გვქონდეს. ჩვენ გაცხადებული გვაქვს, რომ ,,ნაციონალური მოძრაობის“ გარდა, ყველა პროდასავლურ პარტიასთან და პროდასავლურად განწყობილ ადამიანთან გვექნება ინტენსიური კომუნიკაცია იმისათვის, რომ ხალხს შევთავაზოთ ის სიახლე, რომელზე მოთხოვნაც დიდი ხანია უკვე არსებობს“, – განაცხადა საბა ბუაძემ.
ავტორი
ნინი ხიჯაკაძე
