“ირაკლი, ვერავის ვერ დასჯი! თუ ჭკუით არ იქნები, შეიძლება ხალხის რისხვა დაგატყდეს თავს” – პაატა მანჯგალაძე ირაკლი ღარიბაშვილს მიმართავს

საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე მწვავე კომენტარს აკეთებს პრემიერ-მინისტრ ირაკლი ღარიბაშვილის მიერ ოპოზიციასთან მიმართ გაკეთებულ განცხადებებზე:

,,ხალხზე და საზოგადოებაზე ბოღმის გამოა გაბრაზებული, რაც გადმოანთხია ოპოზიციაზე. ამ ,,დეპოლარიზებულმა“ ირაკლი ღარიბაშვილმა უფრო მეტიც თქვა, რომ ,,სამაგალითოდ დავსჯითო“ ოპოზიციის წარმომადგენლებს.

ბოდიში ირაკლი, სხვა სახელიც შემიძლია გამოვიყენო, მაგრამ საზოგადოებას არ ვაკადრებ ამ ეპითეტის გამოყენებას, ვერავის ვერ დასჯი! პირიქით, თუ ჭკუით არ იქნები, შეიძლება ხალხის რისხვა დაგატყდეს თავს“, – განაცხადა პაატა მანჯგალაძემ.

ავტორი
ნინი ხიჯაკაძე