ჟურნალისტ ვახო სანაიას მძიმე, მწვავე პოზიცია, განმარტებები, შეფასებები ქვეყანაში მიმდინარე და მოსალოდნელ პროცესებთან დაკავშირებით:
“ივანიშვილის მოქმედება განპირობებულია მინიმუმ სამი ფაქტორით. ის ფიქრობს:
1. თუ დაკარგავს ძალაუფლებას, დაკარგავს თავისუფლებას. ესე იგი, ფიქრობს, რომ დაიჭერენ და გააკულაკებენ. მას ამაში ვერავინ გადაარწმუნებს, რადგან ის ზუსტად ასე იქცევა და ჰგონია, რომ მასაც ასე მოექცევიან, თუ ძალაუფლება არ ექნება;
2. სანქციებით კარგავს რაღაც ფულს, თუნდაც ბევრს, მაგრამ, მეორე მხრივ, თუ პუტინს გადააგდებს, ჰგონია, რომ ამას მძიმე პერსონალური შედეგები მოჰყვება და სამაგალითოდ დასჯის.
აქ ძალიან მძიმედა აქვს საქმე – ფაქტები აჩვენებს, რომ პუტინი პირდაპირ მართავს მას;
3. სანქციებით კარგავს ფულის რაღაც ნაწილს, თუნდაც ბევრს, მაგრამ ქვეყნის რუსეთის სატელიტად გადაქცევით დაჯილდოვდება და რუსეთში ისევ ბევრ ფულს იშოვის.
უდიდესი პრობლემაა ივანიშვილი საქართველოსთვის. მძევლად აიყვანა ქვეყანა.
მიკიბულ-მოკიბული საუბრის გარეშე – თუ მის ძალაუფლებას პრობლემა შეექმნება, ქვეყანას რუსის ჯარის შემოყვანით ემუქრება.
ამით აშინებს ხალხს.
იუველირული სამუშაოა ჩასატარებელი, რომ ეს კაცი ჩამოსცილდეს ძალაუფლებას. ამასთან, შედეგის მიღწევა გაბედულ და შეუპოვარ ბრძოლას მოითხოვს. ერთადერთი წამალი არსებობს – ბევრი ხალხი, უდიდესი უმრავლესობა საარჩევნო ყუთებთან ან ქუჩაში.
P.S. გარდა იმისა, რომ ზოგადად ხელში ჩაგდება სურს, პუტინს ახლა საქართველო განსაკუთრებულ სივრცედაც სჭირდება. არა მხოლოდ უკანა ეზოდ, არამედ სივრცედ, რომელიც იქნება ფანჯარა სანქციების თავიდან ასარიდებლად. ასევე თუ ქვეყანაზე კონტროლს დაამყარებს, ახალი პირობების წამოსაყენებლად გამოიყენებს. პლუს გადასარევად გაყიდის ამ ამბავს ქვეყნის შიგნით.
დასავლეთს დიდი თავსატეხი აქვს – არ იცის, რა ქნას კანდიდატის სტატუსთან დაკავშირებით. იმ ქვეყანას მიანიჭოს სტატუსი, რომლის ხელისუფლება რუსეთის მოკავშირეა? და მერე რა ხდება – საქართველო კანდიდატის სტატუსით რუსულ ორბიტაზე და სანქციებისგან თავის არიდების ოაზისით?
არადა ხალხი მართლა ვიმსახურებთ ამ სტატუსს. ყველა ჯერზე დავამტკიცეთ.
ოღონდ ივანიშვილი ჩვენი მოსაცილებელია, სხვა ამას ვერ გააკეთებს.
პიზ*ეცი მდგომარეობაა“, – წერს ფეისბუქის პირად გვერდზე ვახო სანაია.
