პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველი მოადგილე, ალუდა ღუდუშაური კრიტიკულ შეფასებას აკეთებს პრეზიდენტის მიმართ და აცხადებს, რომ სალომე ზურაბიშვილი მისი ამომრჩევლების ინტერესებს არ ახმოვანებს:
,,ქართულ ოცნებას” თავი რომ დავანებოთ და საზოგადოების ინტერესებიდან ამოვიდეთ, ჩვენი, ქართველი ხალხის შეფასება არის საქართველოს ამჟამინდელ პრეზიდენტთან მიმართებაში, რომ ის არცთუ ისე სამართლიანად პოზიციონირებს და იმ ამომრჩევლის თუ ქართველი ხალხის, ასე ვთქვათ, გადაწყვეტილებებს არ ახმოვანებს და არ გამოხატავს.
მეტიც, სრულ წინააღმდეგობაში არის ქართველი ხალხის აბსოლუტური უმრავლესობის აზრსა თუ პოზიციასთან.
შესაბამისად, ქართველი ხალხის გულისწყრომა საქართველოს პრეზიდენტის ე.წ. ფერიცვალებასთან დაკავშირებით, მე ვფიქრობ, რომ სრულიად ცხადი და ნათელია. არც აქ უნდა გაგვიჭირდეს მიზეზების მოძიება.
იმედი მინდა ვიქონია, რომ ის შეძლებს, ქვეყნის გარეთ მაინც აღმოჩნდეს ზეპარტიული და ისეთი განცხადებები არ გააკეთოს, რომელიც საქართველოს სტრატეგიულ ინტერესებს დააზიანებს”, – განაცხადა ალუდა ღუდუშაურმა.
ავტორი
ნინი ხიჯაკაძე
