თუ ქალბატონ ჩუგოშვილს აქვს ილუზია თითქოს ჩვეულებრივი საპარლამენტო საქმიანობა მიდის, ამით დაადასტურებენ, რომ ივანიშვილის პოლიტიკური მონების რიგში რჩებიან – გიგა ბოკერია

პარლამენტის თავმჯდომარის ყოფილ პირველ მოადგილეს, თამარ ჩუგოშვილს მიმართავს “ევროპული საქართველოს” პოლიტსაბჭოს თავმჯდომარე გიგა ბოკერია და ურჩევს ჩამოყალიბდეს თავის კონკრეტული პოზიციაში, არ შექმნას საპარლამენტო საქმიანობის “ნორმალურობის” ილუზია:

“თუ ქალბატონ ჩუგოშვილს აქვს ილუზია, თუ ვცდები – ბოდიშს ვიხდი, ან მის ყოფილ უფროსს – ივანიშვილს, რომ ამითი შექმნიან “ნორმალურობის” ილუზიას, ვითომ არაფერი არ მომხდარა, ჩვეულებრივად გრძელდება ამბავი – ჯერ ძალიან ცდებიან, ჩუგოშვილი და ვერავინ სხვა ვერ შექმნიან ამ განცდას, თითქოს ჩვეულებრივი საპარლამენტო საქმიანობა მიდის, ოღონდ ამ მცდელობით დაადასტურებენ, რომ კი დაამცირა ივანიშვილმა, კი გავიდნენ უმრავლესობიდან, რეალურად ივანიშვილის პოლიტიკური მონების რიგში რჩებიან,”- აღნიშნა გიგა ბოკერიამ.