პარლამენტის ფასადზე ევროპის დროშის ჩამოკიდებაზე უარს არაერთგვაროვანი შეფასება მოჰყვა საზოგადოებაში – კონკრეტული განმარტებები სახელისუფლებო გუნდიდან, მწვავე შეფასებები ოპოზიციიდან თუ სამოქალაქო სექტორიდან. მწვავე პოზიცია დააფიქსირა, ასევე, “ეთნიკურ და კონფესიურ ურთიერთობათა ცენტრის” ხელმძღვანელმა, ლელა ჯეჯელავამ:
“ევროპა დროშა არ არის, ევროპა იდეაა. თავისუფლებისა და თანასწორობის იდეა.
ევროპა მსოფლმხედვაა, “ვეფხისტყაოსნისა” და ვაჟა-ფშაველასი. ევროპა ცხოვრების წესია უნივერსალურ ადამიანურ ღირებულებებზე დაფუძნებული.
საქართველოს ადგილი ევროპაშია. გრუზიისა – სსრკ ში.
სანამ საქართველოს დეგრუზინიზაცია არ მოხდება, რა მნიშვნელობა აქვს, რომელ დროშას გადმოგვიკიდებს კობახიძე ან ღარიბაშვილი?!” – წერს ფეისბუქის პირად გვერდზე ლელა ჯეჯელავა.
