“ეს არის აგრესიული ჯგუფები, რომლებსაც ერთადერთი ამოცანა აქვთ, ქვეყანაში დესტაბილიზაცია” – შალვა პაპუაშვილი საპროტესტო მოძრაობასთან დაკავშირებით

საქართველოს პარლამენტის თავმჯდომარე, შალვა პაპუაშვილი ჟურნალისტებთან კომენტარს აკეთებს რუსეთთან განახლებული პირდაპირი ფრენების საპროტესტო აქციებზე:

,,რაც შეეხება აქციებს – საერთო ჯამში, ვნახეთ ხომ, ეს იყო ,,ნაციონალური მოძრაობის” კრახი. ამაზე ვამბობ, თუკი ვინმე თვლის, რომ ქართველი ხალხი ეს არის ,,დროა” და ,,გირჩი”, ის მწარედ ცდება. ქართველი ხალხი სადაც დგას და რასაც მხარს უჭერს, ეს მათ განწყობებშიც ჩანს, მათ შორის – ბოლო არჩევნებზე, როდესაც ქართველმა ხალხმა ,,ქართულ ოცნებას” განუახლა მანდატი.

ეს არის ჯგუფები, რომლებიც ფინანსდებიან კეზერაშვილის, რუსეთის, ზოგიერთი ევროპული ფონდის მხრიდან – ესეც იცით, რომ გამჟღავნდა. საბოლოო ჯამში, ეს არის აგრესიული ჯგუფები, რომლებსაც ერთადერთი ამოცანა აქვთ, ქვეყანაში დესტაბილიზაცია.

ყველა, ვინც აფინანსებს, ატრენინგებს და ვნახეთ ჩვენ, რომ იარაღის ტრიალში ამეცადინებენ ამ ხალხს, ყველა ეს ორგანიზაცია იქნება, ადამიანი თუ ხალხი – ხელებს აფათურებს საქართველოს უსაფრთხოებაში”, – განაცხადა შალვა პაპუაშვილმა.

ავტორი
ნინი ხიჯაკაძე