ტელეკომპანია “ფორმულას” ჟურნალისტი და გადაცემების წამყვანი ვახო სანაია, “ქართულ ოცნებასთან” მიმართებაში კონკრეტულ შეფასებებს აკეთებს:
“ყველაფერი მარტივადაა.
,,ქართული ოცნების” ნაბიჯები და ბოდვები ემსახურება ერთადერთ რამეს – საქართველო გახდეს რუსეთის ვასალი, ქართველის ბატონი იყოს რუსი.
ეს არის და ეს.
კიდევ ათას რუსულ კანონს დაწერენ, მილიონ სლოგანს მოიფიქრებენ და სულ უფრო უტიფარ პროპაგანდას აწარმობენ. სულ უნდა გვახსოვდეს – საქართველოს ხელისუფლება რუსული მარიონეტული რეჟიმია, რომელიც არასდროს აკეთებს ქართულ საქმეს. ეს უკვე ოფიციალურადაა დადასტურებული.
მესმის, რთულია, როცა ასეთ აღვირახსნილ პროპაგანდას ისმენ, ასეთ უტიფარ ტყუილებს, მაგრამ რუსებისგან სხვას არაფერს უნდა ველოდოთ.
საქართველო არასდროს გახდება რუსეთი – თუ, რა თქმა უნდა, ჩვენ არ მივცემთ ამის საშუალებას. ამიტომ ყველაფერი ჩვენს ხელშია. მარტის ამბებმა ეს დაამტკიცა.
და კიდევ ერთი – რუსეთს უარს ეუბნება ამ ქვეყნის მოსახლეობის უდიდესი უმრავლესობა. 89 პროცენტია ევროკავშირის მხარდაჭერა, მაგრამ რუსეთის სიძულვილი კიდევ უფრო დიდია. ვისაც რუსეთი უნდა, ეს არის მთავრობა და მისი ვიწრო წრე, სულ რამდენიმე პროცენტი.
რა ხრიკებსაც არ უნდა მიმართონ, საბოლოოდ მაინც რუსეთის თემას შეასკდებიან და დაიმსხვრევიან კიდეც, რადგან მათი დავალება საქართველოს რუსეთის ვასალად ქცევაა.
ასე რომ, მთავარია, სიცრუეს, პროპაგანდას, მანიპულაციას არ წამოვეგოთ, აბსურდულ პროპაგანდისტულ განხილვებში არ შევიდეთ (რა გვაქვს რუსთან სასაუბრო?!) და თავი არ მოვატყუებინოთ“, – წერს ფეისბუქის პირად გვერდზე ვახო სანაია.
