7-9 მარტის საპროტესტო აქციებზე დაკავებული აქტივისტი, ლაზარე გრიგორიადისი საქალაქო სასამართლოში მიღებული გადაწყვეტილების შესაბამისად, წინასწარ პატიმრობაში რჩება. ამასთან დაკავშირებით, ჟურნალისტებთან ემოციურ კომენტარს აკეთებს ლაზარე მამა, ბექა გრიგორიადისი:
,,ისე თავისუფლად იჯდა ეს 2 გვრიტი პროკურორები, რომ თითქოს და უკვე ყველაფერი იყო გადაწყვეტილი.
ბრძოლა ბოლომდე გაგრძელდება!
ძალიან არ მინდოდა ხოლმე ეს პოლიტიკური განცხადებები, მაგრამ ეს მთავრობა უნდა მორჩეს!“, – განაცხადა ბექა გრიგორიადისმა
ინფორმაციისთვის: დაკავებული ლაზარე გრიგორიადისის ადვოკატი, ლიკა ბითაძე ჟურნალისტებთან კომენტარს აკეთებს და სასამართლო პროცესის მიმდინარეობას აფასებს:
,,დასაბუთება იყო სრულიად შაბლონური, ერთი და იგივე არგუმენტაციით, რაც თავდაპირველად ჰქონდათ. ფაქტიურად, დაზეპირებულად იყო განმეორებული დღესაც“, – განაცხადა ლიკა ბითაძემ.
ავტორი
ნინი ხიჯაკაძე
