“ხელისუფლების პასუხისმგებლობა და ვალდებულებაა, რომ საქართველომ შეასრულოს რეკომენდაციები” – ხატია დეკანოიძემ

საქართველოს პარლამენტის წევრი, ხატია დეკანოიძე პოლიტიკურ შეფასებას აკეთებს ევროკავშირის 12 რეკომენდაციის შესრულების საკითხზე. ოპოზიციონერი ლიდერი აცხადებს, რომ თუ ვალდებულებები არ შესრულდება, ქვეყანამ შესაძლოა ევროკავშირის კანდიდატის სტატუსი კვლავ ვერ მიიღოს, რაზეც პასუხისმგებლობას ხელისუფლებას აკისრებს:

,,საქართველოს ხელისუფლებას არაფერი აქვს განსაკუთრებულად სათქმელი ჩვენი საერთაშორისო პარტნიორებისთვის. ეს ეხება სწორედ იმ ვიზიტებს, რომელშიც საქართველოს ხელისუფლება ახლა მონაწილეობს.

ჩვენ ვხედავთ იმას, რომ საქართველოსთვის კანდიდატის სტატუსის მინიჭება კვლავ შეიძლება კითხვის ნიშნის ქვეშ დადგეს, თუ ეს ვალდებულებები არ შესრულდება.

ეს არის ხელისუფლების პასუხისმგებლობა და ვალდებულება, რომ საქართველომ შეასრულოს ის რეკომენდაციები, რომელიც არის შესასრულებელი. განსაკუთრებით ხაზს ვუსვამ – ეს ეხება მედია თავისუფლებას, მართლმსაჯულებას და დემოკრატიულ რეფორმებს“, – განაცხადა ხატია დეკანოიძემ.