აშშ-ს მხარის მიერ 4 ქართველი მოსამართლისთვის სანქციების დაწესებასთან დაკავშირებით ოპოზიციის მიერ ინიცირებულ დროებითი საგამოძიებო კომისიის შექმნაზე კენჭისყრა ვერ ჩატარდა, რადგანაც საპარლამენტო უმრავლესობამ ე.წ. “პროცედურული ომის” შემდეგ არც რეგისტრაციაში მიიღო მონაწილეობა და შესაბამისად ქვორუმი არ შედგა. მმართველი პარტიის აღნიშნულ ტაქტიკას სოციალურ ქსელში მწვავე შეფასებებით გამოეხმაურა ჟურნალისტი მერაბ მეტრეველი:
“უპრეცენდეტო რამე ქნა “ქართულმა ოცნებამ” – ფაქტობრივად ოპოზიციას დარბაზიდან გაექცა. იმის შიშით, რომ სასამართლოს თემაზე საგამოძიებო კომისია არ შექმნილიყო, რეგისტრაცია არ გაიარეს და ასე დაბლოკეს კენჭისყრა.
აქ ბევრი ფრენდი მყავს, ვინც სულ იძახდა, რა მნიშვნელობა აქვს საერთოდ საგამოძიებო კომისიას, არაფერი შედეგი არ ექნება მაინცო. თუ არ აქვს, მნიშვნელობა, მაშინ ასე რისი შეეშინდა “ოცნებას”?
სიტუაციის მთელი ტრაგი-კომიკურობა იმაშია, რომ “ქართულმა ოცნებამ”, რომელიც ხელისუფლებაში გირგვლიანის, სულხან მოლაშვილის, სერგო თეთრაძის და სხვათა საქმეებზე აპელირებით მოვიდა, დღეს სოლიდარობა გამოუცხადა ამ საქმეების მოსამართლეებს ანუ ადეიშვილის ყოფილ ხელქვეითებს🙁“, – წერს ფეისბუქის პირად გვერდზე მერაბ მეტრეველი.
