საქართველოს პრეზიდენტის ადმინისტრაცია ინფორმაციას ავრცელებს, პრეზიდენტ სალომე ზურაბიშვილის მიერ შეწყალების აქტის გამოცემასთან დაკავშირებით, 10 პატიმართან მიმართებაში:
“საქართველოს პრეზიდენტმა აღდგომის ბრწყინვალე დღესასწაულთან დაკავშირებით 10 მსჯავრდებული შეიწყალა, რომელთაგან 5 მსჯავრდებული სრულად გათავისუფლდა პენიტენციურ დაწესებულებაში თავისუფლების აღკვეთის სახით დანიშნული სასჯელის შემდგომი მოხდისაგან.
ასევე, 3 მსჯავრდებულს პენიტენციურ დაწესებულებაში მოსახდელად დარჩენილი სასჯელის ვადა შეუმცირდა, ხოლო 2 მსჯავრდებული სრულად გათავისუფლდა პირობითად ჩათვლილი თავისუფლების აღკვეთის შემდგომი მოხდისაგან“, – ნათქვამია გავრცელებულ ინფორმაციაში.